قبل اليوم ده باسبوع كانوا بيقولوا على الفيس بوك يا جماعة احنا هنتجمع كلنا في التحرير وهنقف وقفة .. بصراحة انا قلت لصحابي دي شكلها هتبقى زي بتاعة 6 يناير ولا هيعملوا حاجة بس من جواي كنت بتمنى فعلا تغيير جذري يحصل ... وبدأ الثوار في القاهرة (التحرير) وفي السويس وفي المنصورة وكل محافظات مصر تدريجيا والحكومة مطنشة والاعلام المصري في تعتيم ... واتكرم الريس وطلع بخطاب وقال مش هترشح الفترة الجية وهأصلح البلد حاليا من الفساد بس الحقيقة لانها كانت مهملة جدا والاحوال اتدهورت جدا والفساد كتر الناس مرجعتش وكملت الثورة الى ان تنحى الريس في يوم 11 فبراير 2011 الجمعة الساعة 6 مساءا والجيش مسك مكانه .. كل اللي اقدر اقوله اني فرحانة جدا ان اول بذرة فساد قضي عليها .. هوا اي نعم كان كويس جدا في بداية فترته بس اخر 10 سنين معتقدش انه ده كان حكم لمصر ده كان استغلال لمصر والمصريين.. الحمدلله وربنا يعين مصر والمصريين الفترة اللي جية وناس كويسة تمسك وتكون فاهمة بجد المسؤولية
وبجد كل الشكر لكل بطل شارك في الثورة دي وكل العزاء لكل شهيد .. ولك الله يا مصر
مبروك احساس قليل على الحرية..
يارب كل أيامك عدل وديموقراطية..
بشابك ودم شهدائك انت حرة ابية..
وربنا يستر عليك في الأيام اللي جية.
مبروك احساس قليل على الحرية..
يارب كل أيامك عدل وديموقراطية..
بشابك ودم شهدائك انت حرة ابية..
وربنا يستر عليك في الأيام اللي جية.
ليست هناك تعليقات:
إرسال تعليق